ஆரோக்கியமான உறவுகளை உருவாக்குவோம்

வயது:13 மேற்பட்டவர்கள்

பதிவிறக்கம் செய்ய:ஆரோக்கியமான உறவுகளை உருவாக்குவோம்

நேரம்: 20 நிமிடங்கள்

தகவல்: Bakteen

இந்தப் பாடத்தில் நாம் எதைப் பற்றிப் பேசப் போகிறோம்?

குடும்பம், நண்பர்கள் மற்றும் நமக்கு நெருக்கமானவர்களுடனான உறவுகள் நமது வாழ்க்கையின் ஒரு முக்கிய பகுதியாகும். இளமைப் பருவத்தில் ஒருவர் மீது ஈர்ப்பு கொள்வது அல்லது காதல் உறவில் ஈடுபடுவது இயல்பானது. இந்தப் பாடத்தில், ஒரு உறவை எது நல்லதாக்குகிறது, நமது விருப்பங்களையும் வெறுப்புகளையும் மரியாதையுடன் வெளிப்படுத்துவது எப்படி, மற்றும் ஒருவருக்கொருவர் எல்லைகளை மதிப்பது எப்படி என்பது பற்றி மாணவர்களிடம் பேசுவோம். கட்டுப்படுத்துதல், வற்புறுத்துதல் மற்றும் அச்சுறுத்துதல் போன்ற எதிர்மறையான நடத்தைகளை அடையாளம் காண்பது மற்றும் தேவைப்படும்போது உதவி கேட்பது குறித்தும் பேசுவோம்.

கற்றல் நோக்கங்கள்

01.ஒரு ஆரோக்கியமான உறவில் மரியாதை, நம்பிக்கை, சமத்துவம் மற்றும் தகவல் தொடர்பு ஆகியவற்றின் முக்கியத்துவத்தை விளக்குதல்.

02.உங்கள் விருப்பங்கள், வெறுப்புகள் மற்றும் தனிப்பட்ட எல்லைகளை வெளிப்படுத்தும் வழிகளைக் கற்றுக்கொள்ளுதல்.

03.கட்டுப்படுத்துதல், தனிமைப்படுத்துதல் மற்றும் வற்புறுத்தும் நடத்தை போன்ற எதிர்மறையான நடத்தைகளை அடையாளம் காணுதல்.

04.ஒரு உறவில் நீங்கள் பயமாகவோ அல்லது அழுத்தமாகவோ உணர்ந்தால், நம்பகமான ஒரு பெரியவரிடம் உதவி கேட்கலாம் என்பதை அறிந்துகொள்ளுதல்.

பாடத்திற்கு முன் தயாராகுதல்

வகுப்பிற்கு  (Bakteens)  கட்டுரையையும் அதன் முடிவில் உள்ள வினாவையும் படிக்கவும். கட்டுரையைத் திரையில் காண்பிக்க அல்லது தேவையான பகுதிகளை அச்சிடத் தயாராகுங்கள். இந்தப் பாடத்தில் மாணவர்கள் தங்கள் காதல் உறவுகளையோ அல்லது தனிப்பட்ட அனுபவங்களையோ வகுப்பில் பகிர்ந்துகொள்ள வேண்டிய அவசியமில்லை உறுதிபடுத்துங்கள்.

தேவையான பொருட்கள்: திரையில் காண்பிக்கக்கூடிய அல்லது அச்சிடக்கூடிய Bakteens கட்டுரை, வெண்பலகை, மற்றும் பேனாக்கள்.

முக்கிய வார்த்தைகள்: உறவு, மரியாதை, நம்பிக்கை, சமத்துவம், தகவல் தொடர்பு, தனிப்பட்ட எல்லைகள், சம்மதம், கட்டுப்பாடு, மற்றும் ஆதரவு.

1.ஒரு உரையாடலைத் தொடங்குவோம் – 2 நிமிடங்கள்

மாணவர்களிடம் கேளுங்கள்:

” நீங்கள் சுகந்திரமாகவும் பாதுக்காப்பாகவும் உணர்வது ஒரு நண்பர் உங்களிடம் எவ்வாறு நடந்துகொண்டால் ?

இரண்டு அல்லது மூன்று பதில்களைக் கவனமாகக் கேளுங்கள். உதாரணங்களாக, செவிமடுத்தல், கேலி செய்யாமல் இருத்தல், இரகசியங்களை மதித்தல், அவர்களை முடிவெடுக்க அனுமதித்தல், பாடசாலை பாடங்களுக்கு உதவுதல், மற்றும் உணவைப் பகிர்ந்துகொள்ளுதல் ஆகியவை அடங்கும். பதில்களைக் கரும்பலகையில் எழுதுங்கள்.

பிறகு கூறுங்கள்:

“குடும்பம், நண்பர்கள் அல்லது நாம் நேசிக்கும் ஒருவருடனான உறவுகள் அனைத்தும் வெவ்வேறானவை. ஆனால் எந்தவொரு நல்ல உறவிலும் மரியாதையும் பாதுகாப்பும் முக்கியமானவை.”

2.இந்த நடத்தை நல்லதா? – 4 நிமிடங்கள்

பின்வரும் சூழ்நிலைகளை ஒவ்வொன்றாகப் படியுங்கள். ஒவ்வொரு சூழ்நிலைக்குப் பிறகும், “இங்கே மற்றவரின் முடிவை நீங்கள் மதிக்கிறீர்களா?” என்று கேளுங்கள். ‘ஆம்’ அல்லது ‘இல்லை’ என்ற பதிலுடன் கூடுதலாக ஒரு காரணத்தையும் கூற மாணவர்களை அனுமதிக்கவும்.

1. “இன்று நீ படிக்க விரும்பினால், நாம் இன்னொரு நாள் பேசலாம்.”மற்றவரின் தேவைகளை மதித்தல்.

2.“நீ என்னை உண்மையாக நேசித்தால், உன் கைபேசியை என்னிடம் காட்ட வேண்டும்.”

காதல் என்ற தனிப்பட்ட எல்லையைத் தாண்ட வற்புறுத்துகிறது.

3.“அந்தப் புகைப்படத்தை அனுப்ப நீ விரும்பவில்லை என்றால், அனுப்ப வேண்டியதில்லை.”

‘வேண்டாம்’ என்று சொல்லும் மற்றவரின் முடிவை மதித்தல்.

4.“நீ என் நண்பனாக இருந்தால், என் மற்ற நண்பர்களிடம் பேசாதே.”

மற்றவரைக் கட்டுப்படுத்தி, அவர்களை நண்பர்களிடமிருந்து விலக்கி வைக்க முயற்சிக்கிறது.

சுருக்கமாக அவர்களுக்கு நினைவூட்டுங்கள்: ஒருவரை நேசிப்பதோ அல்லது நெருக்கமாக இருப்பதோ, அவர்களின் கைபேசி, நண்பர்கள், உடைகள் அல்லது முடிவுகளைக் கட்டுப்படுத்தும் உரிமையை அவர்களுக்கு அளிக்காது.

3.Bakteen கட்டுரையைப் படிக்கவும் – 4 நிமிடங்கள்

இப்போது “நல்ல உறவுகளை உருவாக்குதல்” என்ற கட்டுரையை மாணவர்களுக்குக் காண்பிக்கவும். இந்தப் பகுதிகளில் கவனம் செலுத்துங்கள்:

1. ஒரு ஆரோக்கியமான உறவில் மரியாதை, நம்பிக்கை, சமத்துவம் மற்றும் தகவல் தொடர்பு;
2. உங்கள் விருப்பங்களையும் வெறுப்புகளையும் தெளிவாகத் தெரிவித்தல்;
3. ஒரு உறவில் ஒருவரைக் கட்டுப்படுத்த முயற்சிப்பது ஆரோக்கியமற்றது;

அவர்கள் பயம், செல்வாக்கு அல்லது துன்புறுத்தலை உணரும்போது உதவி தேட அவர்களை ஊக்குவித்தல்.

அடுத்து, கேளுங்கள்:

“நாம் முன்பு படித்த நான்கு சூழ்நிலைகளுக்கும் இந்தக் கட்டுரையில் உள்ள கருத்துக்களுக்கும் என்ன தொடர்பு?”

சில பதில்களைக் கேட்ட பிறகு, ஒரு ஆரோக்கியமான உறவில், “எனக்கு இது பிடிக்கவில்லை” என்று சொல்வதும், மற்றவர் அதை மரியாதையுடன் ஏற்றுக்கொள்வதும் தவறில்லை என்று விளக்குங்கள்.

பின்வரும் கேள்விகளில் இரண்டைத் தேர்ந்தெடுத்து, வகுப்பில் கலந்துரையாடுங்கள்:

1.ஒரு உறவில் ஏதேனும் தவறு நடக்கும்போது, ​​கத்துவதற்கோ அல்லது பழி சுமத்துவதற்கோ பதிலாக நீங்கள் என்ன செய்யலாம்?

2.“நீ என்னை நேசித்தால், இதைச் செய்” என்ற சொற்றொடர் ஒருவருக்கு எப்படி அழுத்தத்தை ஏற்படுத்தும்?

3.ஒரு நண்பர் தனது உறவைப் பற்றி பயமாகவோ அல்லது கவலையாகவோ உணர்ந்தால் நீங்கள் என்ன செய்யலாம்?

கலந்துரையாடலின் போது விளக்குங்கள்: காதல் உணர்வுகள் இருப்பது இயல்பானது. ஆனால் அன்பு என்பது ஒருவரைக் கட்டாயப்படுத்துவது, இழிவுபடுத்துவது அல்லது காயப்படுத்துவது அல்ல. இது போன்ற ஒரு சம்பவம் நடந்தால், நீங்கள் அதைத் தனியாகச் சமாளிக்க வேண்டியதில்லை; நீங்கள் நம்பும் ஒரு பெரியவரிடம் உதவி பெறலாம்.

 4.இப்போது  வினாவை எடுத்துக்கொள்வோம் – 4 நிமிடங்கள்

bakteen கட்டுரையின் இறுதியில் உள்ள வினாவை மாணவர்களுடன் சேர்ந்து எடுத்துக்கொள்ளுங்கள். நீங்கள் தனித்தனியாகப் பதிலளிக்கலாம் அல்லது வகுப்பாகச் சேர்ந்து பதில்களைப் பற்றி விவாதிக்கலாம். மற்றவரின் நடமாட்டங்களைக் கட்டுப்படுத்துவது, உங்களுக்குப் பிடித்த மற்றும் பிடிக்காத விடயங்களைப் பற்றிப் பேசுவது, மற்றும் ஒரு நல்ல உறவின் நடத்தைகள் ஆகியவற்றைப் பற்றிச் சிந்திக்க இந்தக் கேள்விகள் ஒரு வாய்ப்பை வழங்குகின்றன. www.bakteens.lk

ஒரு பதிலைத் தேர்ந்தெடுத்த பிறகு, கேளுங்கள்:

“ஏன் அந்தப் பதிலைத் தேர்ந்தெடுத்தீர்கள்?”

வினாவை ஒரு தேர்வாகப் பயன்படுத்தாமல், தவறான புரிதல்களைக் கலந்துரையாடுவதற்கும் சரிசெய்வதற்கும் ஒரு வாய்ப்பாகப் பயன்படுத்துங்கள்.

5.முடிவுரை – 2 நிமிடங்கள்

மாணவர்களிடம் கேளுங்கள்:

“ஒரு நல்ல உறவில் இருக்க வேண்டிய ஒரு விடயத்தைக் கூறுங்கள்.”

சில பதில்களைக் கேட்டு, பின்வருமாறு முடிக்கவும்:

“ஒரு நல்ல உறவில், நாம் நாமாக இருக்கலாம், நம் மனதில் உள்ளதை வெளிப்படையாகப் பேசலாம், மற்றும் ‘வேண்டாம்’ என்று சொல்லலாம். இரு தரப்பினரும் ஒருவரையொருவர் மதிக்கிறார்கள். யாராவது உங்களைக் கட்டுப்படுத்தினால், மிரட்டினால், அல்லது நீங்கள் விரும்பாத ஒன்றைச் செய்ய உங்களைக் கட்டாயப்படுத்தினால், நம்பகமான ஒரு பெரியவரிடம் பேசி உதவி பெறுங்கள்.”

ஆசிரியர்களுக்கான ஒரு விரைவான நினைவூட்டல்

கட்டுரையின் ஒவ்வொரு பகுதியையும் வகுப்பில் சத்தமாக வாசிக்க வேண்டிய அவசியமில்லை. மாணவர்களைச் சிந்திக்கவும் பேசவும் தூண்டுவதற்கான ஒரு கருவியாக இந்தக் கட்டுரையைப் பயன்படுத்துங்கள்.

கேள்வி → மாணவர் யோசனைகள் → சிறு செயல்பாடு → கட்டுரையிலிருந்து தகவல்கள் → கலந்துரையாடல் → வினாடி வினா

இந்தக் கட்டுரையில் சம்மதம், பாலியல் நடத்தை, மற்றும் துன்புறுத்தும் உறவிலிருந்து வெளியேறுவது பற்றிய தகவல்களும் உள்ளன. மாணவர்கள் இது குறித்துக் கேள்விகள் கேட்டால், அவர்களைச் சங்கடப்படுத்தாமல் அமைதியாகப் பதிலளிக்கவும். 20 நிமிடப் பாடத்தில் எல்லாவற்றையும் உள்ளடக்க முயற்சிக்காதீர்கள், ஆனால் தேவைப்பட்டால் ஒரு தனி கலந்துரையாடலுக்கு நேரம் ஒதுக்குங்கள்.

பாதுகாப்பான வகுப்பறையை உருவாக்குவோம்.

யாருடைய உணர்வுகளையும், நட்பையும், அல்லது காதல் உறவுகளையும் கேலி செய்ய மாட்டீர்கள் என்று வகுப்பில் ஒப்புக்கொள்ளுங்கள்.

“யாருக்குக் காதலன் அல்லது காதலி இருக்கிறார்?” என்பது போன்ற தனிப்பட்ட கேள்விகளைக் கேட்காதீர்கள். பதிலளிக்க விரும்பாத ஒரு மாணவரை அதைத் தவிர்க்க அனுமதியுங்கள்.

உதாரணங்களில் உள்ளவர்களைப் பற்றிப் பேசுங்கள்; வகுப்பில் உள்ள மாணவர்களின் வாழ்க்கையைப் பற்றி ஊகிக்காதீர்கள்.

ஒரு மாணவர் வற்புறுத்தல், அச்சுறுத்தல்கள், அல்லது துஷ்பிரயோகம் பற்றி வெளிப்படுத்தினால், வகுப்பிற்கு முன்னால் அதைப் பற்றி விவாதிக்காமல் அமைதியாகக் கேளுங்கள். பள்ளியின் குழந்தை பாதுகாப்பு மற்றும் பரிந்துரை நடைமுறைகளைப் பின்பற்றுங்கள்.

This resource has been developed based on the Age-Appropriate Sexuality Education, Communication Guideline for Sri Lanka.

Key Concept 6: Skills for Sexual Well-Being read  more https://srilanka.unfpa.org/sites/default/files/pub-pdf/2date26-date7/Age-Appropriate%20Sexuality%20Education%2C%20Communication%20Guideline%20for%20Sri%20Lanka.pdf ]